Ərazilər İran PUA-ları ilə bombardman edildi – Otuzundan ikisi salamat qaldı

Rusiya gecə saatlarında Ukraynaya növbəti dəfə kütləvi raket və hava zərbələri endirib. Ruslar Ukrayna ərazilərinə İrana məxsus 30 “Şahid” dronu atıb, bunlardan 28-i məhv edilib.

Teleqraf.com xəbər verir ki, bu barədə Ukrayna Silahlı Qüvvələrinin Baş Qərargahı məlumat yayıb.

Rus ordusu Zaporije və vilayət mərkəzinin ətrafını S-300 raketləri ilə vurub, 7 belə sursatdan istifadə edilib.

Ukraynaya zərbələrdə 4 “Kalibr” qanadlı raketindən və 30 “Şahid” hücum PUA-sından istifadə olunub. Hava hədəflərinin əksəriyyəti məhv edilib.

Bundan əlavə, gün ərzində ruslar raket sistemlərindən 70-ə yaxın zərbə endirib. Dinc sakinlər arasında itkilər var.