Ukrayna qoşunları irəliləməyə başladı – Ruslar geri çəkilirlər

Ukrayna Silahlı Qüvvələri cəbhə xəttinin ən azı üç istiqamətində əks-hücum əməliyyatları keçirib və uğur qazanıb.

Teleqraf.com xəbər verir ki, bu barədə ABŞ-ın Müharibə Araşdırmaları İnstitutunun (ISW) hesabatında deyilir.

Ukrayna qoşunları Baxmutun şimal-qərbinə, cənub-qərbinə və şimal-şərqinə hücumlarını davam etdirir. Ukrayna ordusunun bu istiqamətlərdə irəlilədiyi bildirilir.

Ukrayna Silahlı Qüvvələri Zaporoje istiqamətində irəliləyib. Geolokasiya görüntüləri təsdiq edir ki, Ukrayna qoşunları Zaporoje vilayətinin qərbində, Orixovdan təxminən 25 km şimal-qərbdə yerləşən Pyatixatkini azad edib.

Orixovun cənubunda və cənub-qərbində də döyüş olub.

Böyük Britaniyanın Müdafiə Nazirliyi etiraf edib ki, son 10 gün ərzində Rusiya qoşunlarının böyük hissəsini Xerson vilayətinin sol sahilindən Zaporoje və Baxmut istiqamətlərinə köçürüb.