Rusiya MN “Vaqner” döyüşçülərinə müraciət etdi - “Tabe olun”

Rusiya Müdafiə Nazirliyi “Vaqner” lideri Yevgeni Priqojinin qiyamının başlamasından 12 saat sonra qrupun döyüşçülərinə müraciət edib.

Teleqraf.com xəbər verir ki, müraciətdə döyüşçülərdən aidiyyəti qurumlara tabe olmağa çağırış yer alıb.

Rusiya Müdafiə Nazirliyi bəyan edir ki, “vaqnerçilər” Priqojinin cinayətkar macərasına aldanıblar.

Nazirliyin iddiasına görə, “Vaqner”in bəzi döyüşçüləri artıq kömək istəyiblər, onlar təhlükəsiz şəkildə daimi dislokasiya məntəqələrinə qayıtmaq istəyirlər.

“Sizdən ehtiyatlı olmağınızı və mümkün qədər tez Rusiya Müdafiə Nazirliyinin və ya hüquq-mühafizə orqanlarının nümayəndələri ilə əlaqə saxlamağınızı xahiş edirik. Hər kəsin təhlükəsizliyinə zəmanət veririk”, - müraciətdə deyilir.