Ukrayna ordusu Donetskdə bəzi əraziləri azad etdi

Ukrayna ordusu Donetsk vilayətinin Krasnoqorivka yaxınlığındakı bir neçə mövqeni azad edib.

Teleqraf.com xəbər verir ki, bu barə Müdafiə Qüvvələrinin birgə mətbuat mərkəzinin spikeri Valeri Şerşen məlumat yayıb.

"Krasnoqorivka yaxınlığında bizim hücum bölmələrimiz yaxşı planlaşdırılmış əks-hücum nəticəsində 2014-cü ildən bəri saxlanılan bir neçə mövqeni ələ keçiriblər. Bu, Donetsk yaxınlığındakı qondarma “DXR" adlanan ərazidədir”, - o, bildirib, Şerşel əlavə edib ki, xəbər taktiki səbəblərdən bir həftə gecikib.

Onun sözlərinə görə, hazırda Ukrayna Silahlı Qüvvələri ərazilərin minalardan təmizlənməsini həyata keçirib.