İranda etirazları dəstəkləyən futbol mütəxəssisi cəzalandırıldı

İranın “Persepolis” futbol klubunun baş məşqçi köməkçisi Kərim Baqiri etiraz aksiyalarına dəstək verdiyi üçün vəzifəsindən uzaqlaşdırılıb.

Teleqraf.com xəbər verir ki, İran futbolunun tanınmış simalarından olan Kərim Baqiri yerli mediaya müsahibəsində klubla müqaviləsinin olmadığını və klubdan yeni müqavilə təklif edilmədiyini bildirib.

İrandakı son etirazlardan sonra Baqiri dəfələrlə “Instaqram”da paylaşım edərək hökuməti tənqid etmişdi.

“Bu çətin günlərdə mən və həmkarlarım xalqa aid olduğumuz üçün onların yanında olmağa borcluyuq”, - Kərim Baqiri qeyd edib.