Kliçkonun Zelenski ilə bağlı etirafı: "Bu hal narahatlıq doğurur"

Kiyev meri Vitali Kliçko dolayısı ilə Ukrayna prezidenti Vladimir Zelenski və onun ofisi ilə gərginlik yaşadığını etiraf edib.

Teleqraf.com xəbər verir ki, bu barədə "Strana.ua" saytı Kliçkonun videosunu yayıb.

O vurğulayıb ki, düşmənçilik siyasi çəkişmələr üçün bəhanə deyil.

“Bu gün hakimiyyətin həddindən artıq mərkəzləşdirilməsi, biznesə və yerli hakimiyyət orqanlarına təzyiq göstərmək üçün hüquq-mühafizə orqanlarından istifadə edilməsi, mərkəzi orqanların məhkəmə sisteminə təsiri narahatlıq doğurur”, - Kliçko bildirib.

O əlavə edib ki, Avropa İttifaqı və NATO-ya üzv olmaq niyyətində olan dövlətin belə bir zamanda siyasi mübarizəsi, qeyri-demokratik idarə üsulları olmamalıdır.