“Putin gedəcək, nüvə silahları təhvil veriləcək” – Jdanovdan şok iddia

Ukraynalı hərbi ekspert Oleq Jdanov Rusiya lideri Vladimir Putinin təslim ola biləcəyi iki mümkün variantdan danışıb.

Teleqraf.com xəbər verir ki, bunlardan biri qoşunların Ukraynadan çıxarılması ilə bağlı Putinin öz qərarı, ikincisi isə Ukrayna ordusunun dövlət sərhədinə qədər irəliləməsi ilə müharibədə ciddi uğura imza atması ilə əlaqəlidir.

Jdanov hesab edir ki, Putinin ən yaxın generallarından biri ona Rusiyanın uduzduğunu və qoşunların Ukraynada saxlamağın mənasız olduğunu sübuta yetirsə, birinci variant mümkündür. Onun sözlərinə görə, bu durumda Moskva təcrid olunacaq, amma vaxtaşırı Ukraynanı bombalayacaq.

“İran Rusiyanın yanında olacaq, həmçinin Suriya və Şimali Koreya, başqa kimsə. Eyni zamanda, Rusiya daha bir çox müqavilələri itirəcək. Bəs təcrid durumunda nə qədər davam edəcəklər? Bəli, onilliklər ərzində davam edə bilərlər. Başqa variant olmayacaq. Bu gün Rusiyanın bütün dünya üçün təhlükəli olduğunu hər kəs anlayır”, - Jdanov qeyd edib.

Ekspertin fikrincə, rus xalqının belə bir rejimə nə qədər dözəcəyini hesablamaq çətindir. Bununla belə, onun sözlərinə görə, Putinin oliqarxlarının xoşbəxt olma ehtimalı yoxdur, çünki onların hesabları və villaları Avropa və ABŞ-dadır.

“İkinci variant isə rus qoşunlarının döyüş meydanında məğlubiyyətə uğraması və Müdafiə Qüvvələrimizin dövlət sərhədinə çıxarılmasıdır. Yenə də, bəli, hərbçilərin bir hissəsi Putinlə qala bilər. Bəli, onun aviasiya, raket qüvvələri olacaq. Bombaları raketlərlə atacaq, amma yenə də Rusiyada daxili siyasi vəziyyəti saxlaya bilsə”, - Jdanov əlavə edib.

Onun fikrincə, bunlar Putin üçün yeganə real təslim variantlarıdır. Amma bu durumda öz hakimiyyətini qoruya biləcəyi mümkün görünmür.

“Böyük ehtimalla, Putini müharibəyə daha loyal baxışı olan keçid hökuməti əvəz edəcək. Mümkündür ki, hansısa beynəlxalq təşkilata (keçid hökuməti) Rusiyanın nüvə silahlarına nəzarəti ələ keçirməyə imkan versin”, - Jdanov bildirib.

O hesab edir ki, bütün bunlar Rusiyanın gələcək hökuməti tərəfindən sanksiyaların ləğvi və ölkəyə yeni investisiyaların yatırılması müqabilində asanlıqla satılacaq.