Zelenski: "Rusiya gəmiləri Krıma yaxınlaşa bilməyəcək"

Ukrayna prezidenti Vladimir Zelenski bildirib ki, Rusiya gəmiləri Ukraynanın qələbəsindən sonra Qara dənizdə qalsalar belə Ukrayna sahillərinə yaxınlaşmaqdan çəkinəcəklər.

Teleqraf.com "unian.net"ə istinadən xəbər verir ki, bu gün Zelenski Odessaya gəlib və Ukrayna Silahlı Qüvvələrinin Hərbi Dəniz Qüvvələrinin komandanı Aleksiy Neyjpapanın məruzəsini dinləyib.

"Bu gün Odessada mühüm məsələləri müzakirə etdik. Qara dənizdə əməliyyat vəziyyəti, Hərbi Dəniz Qüvvələrinin müdafiə qabiliyyəti, Ukrayna Silahlı Qüvvələrinin Hərbi Dəniz Qüvvələrinin müharibə dövründə və müharibədən sonrakı dövrdə inkişaf strategiyası ətrafında danışdıq.” deyə, Zelenski bildirib.

Zelenski və Hərbi Dəniz Qüvvələrinin komandanı həmçinin dəniz pilotsuz uçuş aparatları proqramının və raket proqramının inkişafının aralıq nəticələrini və perspektivlərini müzakirə ediblər.