Moskvada partlayış səsləri - PUA-larla hədəfə alındı

Səhərin erkən saatlarında Rusiyanın paytaxtı Moskvada (Nova Moskva rayonu) iki güclü partlayış səsi eşidilib.

Teleqraf.com xəbər verir ki, partlayışların Valuevo kəndi ərazisində eşidildiyi bildirilib.

Partlayışlar təxminən 5 dəqiqəlik fasilə ilə eşidilib. Bundan sonra Moskvanın dron hücumuna məruz qaldığı, amma bunların hava hücumundan müdafiə vasitələri ilə məhv edildiyi barədə məlumatlar yayılıb.

“Nova Moskvada baş verən partlayışlara səbəb hava hücumundan müdafiə vasitələri tərəfindən vurulan iki pilotsuz təyyarə olub. Bundan başqa, paytaxta doğru uçan daha bir pilotsuz təyyarə Kaluqa vilayəti üzərində səmada görünüb. Hava hücumundan müdafiə sistemləri onu da sıradan çıxarıb”, - məlumatda deyilir.

Akinşino kəndində də partlayış səsləri eşidilib.

Partlayışlardan sonra Vnukovo hava limanında bir neçə təyyarə reyssi təxirə salınıb. Bundan əlavə, ora enməli olan təyyarələrin bir qismi Şeremetyevoya yönləndirilib.