Gərginlik savaş həddinə çatmışdı – O ölkədən Türkiyəyə sürpriz mesaj

“Yunanıstan hökuməti Türkiyə ilə aramızda davam edən mülayim mühitdən yararlanmaq istəyir”.

Teleqraf.com xəbər verir ki, bunu Yunanıstan xarici işlər naziri Yorqo Gerapetritis deyib.

Onun sözlərinə görə, Afina iki ölkəni dəfələrlə qarşıdurma həddinə çatdıran dəniz sərhədləri probleminin həlli üçün danışıqlara başlamağa hazırdır.

Gerapetritis vurğulayıb ki, Yunanıstan hökuməti dənizlərdə yaranmış problemlərlə bağlı razılığa gəlmək üçün davam edən mülayim mühitdən istifadə etmək istəyir.

“Yalnız Türkiyənin də səmimi yaxınlaşma yolunu açmaq istəyib-istəmədiyini müəyyən etmək qalır. Amma bu, Yunanıstanın “qırmızı xətlər”indən və ya milli prioritetlərindən geri çəkiləcəyi anlamına gəlmir”, - nazir əlavə edib.