CHP-də dəyişiklik rüzgarı şiddətlənir – Kılıçdaroğlunun ilk rəqibi bilindi

Türkiyədə keçirilən parlament və prezident seçkilərindəki məğlubiyyətlərdən sonra Cümhuriyyət Xalq Partiyasında (CHP) dəyişikliklə bağlı müzakirələr başlayıb.

Teleqraf.com xəbər verir ki, qarşıdakı aylarda qurultay keçiriləcək.

Qurultayda CHP-çi deputat Özgür Özəl və İstanbul böyükşəhər bələdiyyəsinin sədri Əkrəm İmamoğlunun qurultayda namizəd olmaq istədiyi məlumdur. Bu iki ismə daha biri əlavə olunub.

Bundan əvvəl partiya sədri Kamal Kılıçdaroğluna dəyişiklik çağırışı edən CHP-nin keçmiş İstanbul millət vəkili, “Biz Gələcək üçün” qrupunun rəhbəri İlhan Cihanər namizədliyini açıqlayıb.

Məlumata görə, “Biz Gələcək üçün” həftəsonu keçirəcəyi toplantıda Cihanərin namizədliyini elan edəcək.