Alman kəşfiyyatı Priqojinlə Lukaşenkonu dinləyib - Şok iddia

Almaniya Federal Kəşfiyyat Xidməti (BND)Rusiyada bu yaxınlarda baş vermiş çevriliş cəhdi zamanı “Vaqner”in rəhbəri Yevgeni Priqojin və Belarus prezidenti Aleksandr Lukaşenko arasında danışıqları dinləyib.

Teleqraf.com xəbər verir ki, bu barədə NDR radiosunun jurnalistlərinin araşdırmasında deyilir.

Məlumatda bildirilir ki, BND birbaşa mənbələrlə Belarus prezidentinin vasitəçilik rolunu öyrənib.

Kəşfiyyat xidmətinin nümayəndəsi bu məlumatları şərh etməkdən imtina edib.

Təhqiqatda iddia olunur ki, BND hadisədən təxminən bir həftə əvvəl Priqojinin üsyan edə biləcəyindən şübhələnib və tərəfdaşları ilə məlumatı yoxlamağa çalışıb. Lakin buna nail olmayıb.