Bölgəni İran PUA-ları ilə hədəfə aldılar - Hamısı məhv edildi

Rusiya gecə saatlarında Ukraynaya kütləvi aviazərbələr endirib. Ukrayna hərbi aviasiyası İrana məxsus 20 PUA və 2 “Kalibr” qanadlı raketinin hamısını vurub.

Teleqraf.com xəbər verir ki, bu barədə Ukrayna Hərbi Hava Qüvvələri məlumat yayıb.

Ruslar Ukraynaya qanadlı və işğal edilmiş Krımdan atdığı “İsgəndər-M” ballistik raketləri ilə zərbələr endiriblər. “Şahid”lərlə hücum iki – şimal və cənub istiqamətlərindən qeydə alınıb.

PUA-ların əksəriyyəti Kiyev vilayətinə atılıb və böyük hissəsi vurulub. Ümumilikdə, gecə ərzində Ukrayna hərbçiləri rusların atdığı 20 İran “Şahid”inin hamısını məhv edib.