Türkiyə taxıl müqaviləsinin uzadılmasına ümid edir - Yılmaz

Türkiyə hakimiyyəti iyulun 17-də müddəti bitəcək Qara Dəniz Taxıl Təşəbbüsünün uzadılmasına ümid edir.

Teleqraf.com xəbər verir ki, bu barədə bazar günü vitse-prezident Cevdet Yılmaz bildirib.

“Biz sazişin yeni müddətə uzadılması üzərində işi davam etdiririk. Rusiya Prezidenti Vladimir Putinin Türkiyəyə planlaşdırılan səfəri bu mənada qiymətləndirilə bilər. Ümid edirəm ki, müsbət nəticələr olacaq”, - Yılmaz qeyd edib.

Bundan əvvəl Prezident Rəcəb Tayyib Ərdoğan rusiyalı həmkarının avqustda Türkiyəyə səfərinin mümkünlüyünü açıqlamışdı.