ABŞ Çinlə birgə işləmək istəyir - Yellen

ABŞ Çinlə qarşılıqlı maraq doğuran sahələrdə, o cümlədən daha kasıb ölkələr üçün borcların restrukturizasiyası üzərində işləmək istəyir.

Teleqraf.com xəbər verir ki, bunu ABŞ-ın maliyyə naziri Janet Yellen bildirib.

O, Hindistanda “20-lər qrupu”nun maliyyə nazirləri və mərkəzi bank rəhbərlərinin görüşündən əvvəl keçirilən mətbuat konfransında keçən həftə Pekinə səfərinin ABŞ-Çin münasibətlərini “daha etibarlı bir təməl” atmağa kömək etdiyini və iki ən böyük iqtisadiyyatın dünyanın “qarşılıqlı maraq doğuran sahələrində əməkdaşlıq etmək” öhdəliyi olduğunu söyləyib.

“Görüləcək daha çox iş var. Amma mən bu səfərin mühüm başlanğıc olduğuna inanıram. Mən gələcək fəaliyyətləri səfərbər etmək üçün Pekində atdığımız təməl üzərində işləməyə can atıram", - Yellen qeyd edib.