Ukrayna ordusundan üç istiqamətdə uğurlu əməliyyat - Ərazilər azad edildi

Ukrayna qüvvələri cəbhənin ən azı üç bölgəsində əks-hücum əməliyyatları keçirib və uğurlu nəticələr əldə ediblər.

Teleqraf.com xəbər verir ki, bu barədə ABŞ-ın Müharibə Araşdırmaları İnstitutunun (ISW) təhlilində deyilir.

Son geolokasiya görüntüləri göstərir ki, Ukrayna ordusu Donetsk və Zaporoje vilayətlərində irəliləyib. İrəliləyiş Berdyan istiqamətində (Donetskin qərbi və Zaporojenin şərqi) qeydə alınıb. Təxminən 1 km.

Ukrayna qoşunları hazırda Melitopol istiqamətində də əks-hücum əməliyyatlarını davam etdirir.

Rus mənbələri iddia edirlər ki, Ukrayna qüvvələri Zaliznyanskı və Klişivka yaxınlığındakı yüksəkliklərin bir hissəsini və Andrivkanın qərbindəki əraziləri geri qaytarıb. Bundan başqa, Ukrayna qoşunları Dubovo-Vasilivka, Orixovo-Vasilivka, Berxivka, Kurdyumivka, Klişivka və Andrivka yaxınlığında əks-hücum əməliyyatlarını gücləndiriblər.