Ərdoğandan Bəşər Əsədə mesaj: “Qapı açıqdır, amma...”

“Bəşər Əsədlə görüşə qapalı deyilik, görüşə bilərik”.

Teleqraf.com xəbər verir ki, bunu Türkiyə Prezidenti Rəcəb Tayyib Ərdoğan deyib.

“Suriyaya qapının bağlanılması müzakirə mövzusu deyil, qapı açıqdır. Dördtərəfli (Rusiya, Türkiyə, Suriya və İran) görüş keçirilsin, amma Bəşər Əsədlə görüşə qapalı deyilik, görüşəcəyik. Onların bizə yanaşma tərzi önəmlidir. Təəssüf ki, Əsəd Türkiyənin Suriyanın şimalını tərk etməsini istəyir. Belə bir şey ola bilməz. Sərhədlərimizdə terrorçular olanda biz necə çıxa bilərik? Eyni ifadəni digər ölkələr üçün də işlədə bilərmi? İşlətmir. Ona görə də ədalətli yanaşma axtarırıq. Bu ədalətli yanaşma olduqdan sonra problem yoxdur, bütün bunların öhdəsindən gələcəyik”, - dövlət başçısı qeyd edib.