Bayden Matteo Zuppinlə Ukraynadakı vəziyyəti müzakirə edəcək

Bu gün Vaşinqtonda ABŞ Prezidenti Co Bayden Roma Papasının Ukrayna müharibəsinin nizamlanması üzrə elçisi kardinal Matteo Zuppini qəbul edəcək.

Teleqraf.com xəbər verir ki, bu barədə Ağ Evin mətbuat katibi Karine Jan-Pyer bildirib.

Onun sözlərinə görə, tərəflər Ukraynada hərbi əməliyyatlardan zərər çəkmiş şəxslərə humanitar yardımın göstərilməsi, həmçinin ukraynalı uşaqların repatriasiyası mövzusunda müzakirələr aparacaqlar.

Müqəddəs Taxt-Tacın mətbuat xidmətinin əvvəlcədən bildirdiyi kimi, kardinalın ABŞ-a səfəri iyulun 19-dək davam edəcək.