Lukaşenko Polşanı "Vaqner"lə hədələdi – “Qərbə getmək istəyirlər”

Belarus Prezidenti Aleksandr Lukaşenko rusiyalı həmkarı Vladimir Putinlə Sankt-Peterburqda görüşəndə Polşanı "Vaqner"lə hədələyib.

Teleqraf.com xəbər verir ki, Lukaşenko əvvəlcə Ukrayna ilə Rusiya arasında gedən müharibəni dəyərləndirib.

O, Ukrayna ordusunun çoxlu sayda əsgər itirdiyini qeyd edib: “ABŞ-dakı hesablamalara görə, Ukrayna əks-hücumdan sonra 26 min əsgər itirib”.

Polşanı istehza ilə hədələyən Lukaşenko ölkəsində yerləşdirilən “Vaqner” döyüşçüləri ilə bağlı da açıqlama verib: “Vaqner"çilər bizi sıxmağa başlayıblar, qərbə getmək istəyirlər. Deyirlər, “gəlin, Varşava və Rzeşova səyahət edək”. Onları razılaşdırılğı kimi Belarusun mərkəzində saxlayıram”.

Putin Ukrayna ordusunun itkilərinə reaksiya verib: “Ukraynanın əks-hücumda əsgər itkisi 26 mindən çox olub. Əks-hücum oldu, amma uğursuz oldu”.