BMT Təhlükəsizlik Şurası Niger prezidentini dərhal azad etməyə çağırdı

BMT Təhlükəsizlik Şurası (TŞ) Nigerdəki hərbi çevrilişi kəskin şəkildə pisləyib və prezident Məhəmməd Bazumun dərhal və qeyd-şərtsiz azad edilməsini tələb edib.

Teleqraf.com xəbər verir ki, bu barədə məsləhətləşmələrdən sonra qəbul edilən birgə bəyanatda deyilib.

"BMT Təhlükəsizlik Şurasının üzvləri 26 iyul 2023-cü ildə Niger Respublikasının qanuni hökumətinin konstitusiyaya zidd olaraq dəyişdirilməsi cəhdlərini qətiyyətlə pisləyib. BMT Təhlükəsizlik Şurasının üzvləri respublikanın demokratik yolla seçilmiş prezidenti Məhəmməd Bazumu heç bir şərt qoyulmadan dərhal azad etməyə çağırıb və onun, ailəsinin və hökumət üzvlərinin müdafiəsinin vacibliyini vurğulayıblar", - deyə qeyd olunub.