Ərdoğanın sıx səfər qrafiki – Bir ayda yeddi ölkəyə gedəcək

Türkiyə Prezidenti Rəcəb Tayyib Ərdoğan körfəz ölkələrinə ikinci turunu və Almaniyaya mümkün səfərini planlaşdırır.

Teleqraf.com xəbər verir ki, Türkiyə lideri avqustda Bəhreyn, Oman, Küveyt və İraqa səfər etməyi planlaşdırır.

Bundan başqa, Prezident Ərdoğan sentyabrın 9-10-da Hindistanda keçiriləcək G20 sammitində və sentyabrın 18-19-da ABŞ-da BMT Baş Assambleyasının sessiyasında iştirak edəcək.

Sentyabrda Almaniyaya səfər edə bilər.

Bundan əvvəl Türkiyə rəhbəri Rusiya Prezidenti Vladimir Putinin ölkəsinə səfərinin avqustda baş tutacağına ümid etdiyini, amma konkret tarixin hələ müəyyən olunmadığını açıqlayıb. Onun sözlərinə görə, hazırda bu məsələ xarici işlər naziri və kəşfiyyat rəhbəri tərəfindən razılaşdırılır.