Hataydakı meşə yanğını nəzarət altına alındı - Yeniləndi

Türkiyənin Hatay vilayətinin Antakya rayonunda baş verən meşə yanğınları nəzarət altına alınıb.

Teleqraf.com xəbər verir ki, yanğınların söndürülməsinə 2 təyyarə, 4 helikopter, 20 su çiləyici maşın, 2 TOMA, 4 inşaat maşını, 19 su tankeri, 9 ilk müdaxilə maşını, 18 pikap cəlb olunub.

Hatay valiliyi təxribat ehtimalını araşdırmaq üçün bölgəyə pilotsuz uçuş aparatlarının yerləşdirildiyini bildirib.

***

14.27

Türkiyənin Hatay vilayətinin Antakya rayonunda meşə yanğını baş verib.

Teleqraf.com xəbər verir ki, yanğının söndürülməsinə 2 helikopter və çoxlu sayda yanğınsöndürən maşın cəlb olunub.

Meşə yanğınına qurudan və havadan müdaxilələr davam edir.