Zelenski təsdiqlədi: Fransadan SCALP raketləri alınıb

Ukrayna Fransadan SCALP uzun mənzilli hava-yer raketləri alıb.

Teleqraf.com xəbər verir ki, bu barədə Prezident Vladimir Zelenski bildirib.

O, Patriot və İRİS-T hava hücumundan müdafiə sistemlərinin işi və imkanları haqqında hesabatı dinləyib, həmçinin Su-25 hücum təyyarəsini də yoxlayıb.

Hərbçilərin mükafatlandırılması mərasimində Zelenski SCALP raketlərindən birinə avtoqraf qoyub.

Xatırladaq ki, Fransa Prezidenti Emmanuel Makron iyulun 11-də NATO-nun Vilnüs Sammitində uzun mənzilli raketləri Ukraynaya ötürmək niyyətində olduğunu açıqlamışdı.