Çexiya Ukraynaya F-16-da təlim keçmək üçün simulyatorlar verdi

Çexiya ukraynalı pilotlara F-16 qırıcılarında təlim keçmək üçün simulyatorlar təhvil verib. Ukrayna Prezidenti Vladimir Zelenski Hərbi Hava Qüvvələri Günündə Çexiyanın ukraynalı pilotlara Qərb istehsalı olan F-16 təyyarələrində təlim keçmək üçün bağışladığı simulyatorun işinə baxış keçirib.

Teleqraf.com xəbər verir ki, bu barədə Ukrayna Prezident Aparatı məlumat yayıb.

"Bu simulyatorda Ukrayna hərbçiləri hazırda müasir texnologiyanın xüsusiyyətlərini və onun imkanlarını öyrənirlər", - deyə məlumatda bildirilib.

Silah və hərbi texnika nümunələrinin yoxlanılması zamanı Zelenski özü kompleksin işini praktiki olaraq sınaqdan keçirib və hətta hədəflərdən birini - Tu-95-i vurub.