Döyüşlər şiddətləndi - Rus ordusunun altı istiqamətdə hücumu dəf edildi

Rusiya qüvvələrinin son sutka ərzində cəbhədə irəliləmək cəhdləri nəticəsiz bitib. Ukrayna ordusu əks-hücumlarını davam etdirir. Gün ərzində 50 toqquşma baş verib.

Teleqraf.com xəbər verir ki, bu barədə Ukrayna Silahlı Qüvvələrinin Baş Qərargahı məlumat yayıb.

Ukrayna Müdafiə Qüvvələri Xarkov vilayətinin Petropavlivka şəhərinin şərqində, Kupyan istiqamətində Rusiyanın hücumlarını uğurla dəf edib.

Ukraynalılar Baxmut istiqamətində Dilivkanın şimal-şərqində rusların qarşısını alır. Ukrayna ordusu Avdiv istiqamətində rus qoşunlarının hücumlarını dayandırıb.

Rusiya ordusu Marin və Krasnoqorivdə irəliləməyə cəhd göstərsə də, nəticə əldə edə bilməyib. Rusların Zaporoje vilayətinin Robotıny rayonuna hücumu da uğursuzluqla nəticələnib.