Dənizdə batan 3 nəfərdən ikisi xilas edildi

Lənkəranda dənizdə batan 3 nəfərdən ikisi xilas edilib.

Teleqraf.com xəbər verir ki, Lənkəran rayonunun Sütəmurdov kəndində nəzarətsiz ərazidə 3 nəfərin batması barədə Fövqəladə Hallar Nazirliyinə (FHN) məlumat daxil olub.

Dərhal əraziyə Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc xilasediciləri cəlb olunub. Görülən tədbirlər nəticəsində 3 nəfərdən ikisi xilas edilib.

Hazırda üçüncü şəxsin axtarışları davam etdirilir.