Ukrayna ordusu addım-addım işğalı bitirir – Mövqelər azad edildi

Ukrayna Müdafiə Qüvvələri Baxmut, Melitopol və Berdyan bölgələrində hücum əməliyyatını davam etdirir.

Teleqraf.com xəbər verir ki, bu barədə Ukrayna Silahlı Qüvvələrinin Baş Qərargahı məlumat yayıb.

Məlumatda deyilir ki, Ukrayna qüvvələri Baxmut şəhərinin cənubunda hücum əməliyyatlarını davam etdirir və azad edilmiş mövqelərdə möhkəmlənirlər. Ukrayna ordusu Baxmut istiqamətində müdafiəni möhkəm saxlayır, Klişivka ətrafında və Donetsk vilayətinin Zaytsevo rayonunda rus ordusunun hücumlarını uğurla dayandırır.

Ukrayna Müdafiə Qüvvələri Melitopol və Berdyanda da hücum əməliyyatını davam etdirir. Hücum əməliyyatı çərçivəsində Ukrayna hərbçiləri qismən uğur qazanıblar və azad edilmiş mövqelərdə - Urojanı, Priyutnı və Verbovoy istiqamətində möhkəmləniblər.

Rusiya qoşunları bir sıra istiqamətlərdə irəliləməyə çalışsalar da, buna nail ola bilməyiblər:

“Düşmən Novokalynovoy, Avdiv, Severnoy, Marin, Novomixailivka və Staromayorski bölgələrində uğursuz hücum əməliyyatları keçirib. Düşmən şəxsi heyəti, silah və texnikası ilə xeyli itki verir”.

Ukraynalılar Kupyan istiqamətində Sinkivkada müdafiəni möhkəm saxlayır və rusların hücumlarını dəf edir. Ukrayna ordusu Marin və Novomixailivkada rus qoşunlarının irəliləyişini dayandırmağa müvəffəq olub.

Ukrayna qüvvələri Novokalynove, Avdiv və Severna ərazisində rusların hücumlarını uğurla dəf ediblər. Eyni zamanda, Rusiya Şaxtyor istiqamətində Staromayorski rayonunda itirilmiş mövqelərini bərpa etmək üçün uğursuz cəhdlər göstərib.