Pakistanda terror aktı nəticəsində həlak olanların sayı artdı

Pakistanın Əfqanıstanla sərhəd olan Xayber-Paxtunxva əyalətinin Şimali Vəziristan rayonunda törədilən terror aktı nəticəsində 13 nəfər ölüb, 2 nəfər yaralanıb.

Teleqraf.com xəbər verir ki, bu barədə Pakistan polisi məlumat yayıb.

Bildirilir ki, silahlılar ölkənin təhlükəsizlik qüvvələrinin karvanına zərbə endirmək niyyəti ilə yol kənarına bomba yerləşdiriblər.

Ölkənin Baş nazir səlahiyyətlərini icra edən Ənvar-ül-Haq Kakar “X” sosial şəbəkəsində yazıb: “Şimali Vəziristanda günahsız işçilərin həyatına son qoyan terror aktı barədə məlumat almaq dəhşətlidir. Biz bu mənasız zorakılıq aktını qətiyyətlə pisləyir və həlak olanların ailələrinə səbir diləyirik”.