"Vaxt çatdı" deyib elan etdilər: “Tezliklə yadplanetlilər...”

Yaponiyalı astronomlar iddia edirlər ki, Altair ulduzunun ətrafındakı planetlərdə yaşayan yad canlılardan siqnalın gəlmə vaxtı çatıb. Altair Yerdən təxminən 16.7 işıq ili məsafədə yerləşir.

Teleqraf.com xəbər verir ki, bu barədə “The Asahi Shimbun” yazır.

Elm adamları 1983-cü ilin avqustunda Altair yaxınlığındakı planetlərə 13 fotodan ibarət bir siqnal göndəriblər. Fotolarda Yerdəki həyat və insanlar əks olunub.

Elm adamları Altair ətrafındakı planetlərdə ağıllı varlıqların yaşaya biləcəyini deyirlər. Onların iddialarına görə, artıq 40 il keçdiyindən siqnalın həyatın olduğu planetə çatdığını, artıq Yerə cavab üçün tələsdiklərini gözləmək olar.

Bununla əlaqədar olaraq, Hyoqo Universitetinin alimləri yerdənkənar sivilizasiyadan belə bir siqnal alacaqlarına ümid edərək, diametri 64 metr olan antenanı Altairə yönəldəcəklər. Avadanlıq Yaponiya Aerokosmik Tədqiqatlar Agentliyinin Saku şəhərindəki Usuda Kosmik Mərkəzində yerləşir.

Astronomlar avqustun 22-də yerli vaxtla saat 22:00-dan bir saat yadplanetlilərdən siqnal gözləyəcəklər.