İngilis pilot rus qırıcılarının arasında qaldı – “Dünya müharibəsi başlaya bilərdi”

İngilis pilot uçuş missiyasını yerinə yetirərkən üç rus döyüş təyyarəsi ilə üz-üzə gəlib.

Teleqraf.com xəbər verir ki, dövlət televiziyası tərəfindən yayımlanan kadrda ingilis pilotun rusların Avropa səması üzərində uçması və onların hava məkanını pozması nəticəsində yarana biləcək potensial təhlükəyə reaksiyası müzakirə olunub.

Ceyk adlı pilot həmin anlar barədə deyib:

“Onları gözdən itirirəm, təyyarənin altında görə bilmirəm. Narahat olmağa başlayıram ki, heç bir səbəb olmadan yavaşlayıb sürətlənirlər. Əgər özümü itirsəm və təsadüfən bu təyyarələrdən birinə çırpılsam, bu, Üçüncü Dünya Müharibəsinin başlamasına səbəb ola bilər”.

Görüntülər “Channel 4”-də yayımlanıb. İngilis mətbuatı baş verənləri “Üçüncü Dünya Müharibəsini başlada biləcək dramatik anlar” adlandırıb.