İran və Əfqanıstan arasında gərginlik – Talibandan kritik addım

İranın “Təsnim” dövlət xəbər agentliyinin fotoqrafı Məhəmməd Hüseyn Vilayəti Əfqanıstanda saxlanılıb.

Teleqraf.com xəbər verir ki, bu barədə sözügedən agentlik məlumat yayıb.

“Məhəmməd Hüseyn Vilayəti qeyri-işgüzar səfərlə qanuni şəkildə Əfqanıstana daxil olub və 10 gün Kabildə qalıb. Qayıdanda Kabil hava limanında saxlanılıb”, - məlumatda deyilir.

Agentlik əlavə edib ki, Taliban bununla bağlı heç bir izahat verməyib.

İranın dövlət xəbər agentliyinin fotoqrafının Taliban tərəfindən saxlanılması iki ölkə arasında son – Tehranın Hirmand çayına iddiası ilə bağlı yaranan gərginlikdən sonra baş verib.