Ukraynada seçkilər keçiriləcək? - Zelenski aydınlıq gətirdi

Ukrayna qanunları hərbi vəziyyət zamanı seçkilərin keçirilməsini qadağan edir.

Teleqraf.com xəbər verir ki, bunu Ukrayna lideri Vladimir Zelenski jurnalist Natalya Moseyçuka müsahibəsində deyib.

Bununla yanaşı o bildirib ki, müttəfiqlərin bir sıra şərtlərin yerinə yetirilməsinə köməklik göstərəcəyi təqdirdə bu addımı atmağa hazırdır.

"Müharibə illərində ölkədə gedən siyasi proseslər, mən hesab edirəm ki, bu, əsas məsələnin - ölkəmizdə sülhün bərpa olunmasının parçalanmasıdır. Bu, bizim diqqətimizi başqa istiqamətə çevirir. Digər tərəfdən, biz demokratiyanı müdafiə edirik. Ona görə də bu prosesləri qadağan etmək olmaz”, - deyə Ukrayna dövlətinin başçısı bildirib.