Ukrayna ordusundan iki istiqamətdə sıçrayış – Ruslar geri çəkildilər

Ukrayna hərbi qüvvələri Zaporoje vilayətinin Verbove kəndi yaxınlığında irəliləyiblər.

Teleqraf.com xəbər verir ki, bu barədə ABŞ-ın Müharibə Araşdırmaları İnstitutu (ISW) məlumat yayıb.

Hazırda Ukrayna qoşunları Zaporojenin qərbində, Donetsk və Zaporoje vilayətlərinin inzibati sərhədi zonasında əməliyyat keçirir.

Ukrayna Silahlı Qüvvələrinin Baş Qərargahının məlumatına görə, son sutka ərzində cəbhədə 32 toqquşma qeydə alınıb.

Bu müddət ərzində ruslar yalnız bir istiqamətdə - Marində irəliləməyə cəhd göstərib. Ukrayna ordusu Rusiya qoşunlarının bu yöndə irəliləmək cəhdlərini dayandırmaqda davam edir.

Baş Qərargah Ukrayna qüvvələrinin Melitopol istiqamətində irəliləməsi haqda məlumat verib.