Xəzər dənizindən qalxdılar - Bölgə İran PUA-ları ilə hədəfə alındı

Gecə saatlarında Rusiyadan Ukraynaya atılan 44 hava vasitəsindən 43-ü məhv edilib.

Teleqraf.com xəbər verir ki, bu barədə Ukrayna Hərbi Hava Qüvvələri məlumat yayıb.

28 qanadlı raketin hamısı, 16 hücum PUA-dan 15-i sıradan çıxarılıb.

Xəzər dənizi və Engelsdən TU-95MS strateji təyyarələrindən “X-101”, “X-555” və “X-55” tipli 28 raket atılıb. Həmçinin cənub və şimal istiqamətlərindən – Primorsk, Axtarsk və Kurskdan “Şahid” tipli 16 hücum PUA-sı (İran istehsalı) buraxılıb.

Kiyev, Çerkassı, Odessa və Nikolayev vilayətlərində 16 “Şahid”, 28 qanadlı raket məhv edilib.