Misir milyonçusu vəfat etdi: Şahzadə Diana ilə qeyri-qanuni...

Misirli milyonçu iş adamı Mohamed Al Fayed 94 yaşında vəfat edib.

Teleqraf.com xəbər verir ki, İngiltərənin paytaxtı Londonun məşhur mağazası olan “Harrods”un və “Fulhem” futbol klubunun keçmiş sahibi misirli milyonçu dünən dünyasını dəyişib.

Məhəmməd Əl Fayedin oğlu Dodi Əl Fayed 1997-ci il avqustun 31-də Fransada şahzadə Diana ilə avtomobil qəzasında həlak olub. Milyonçu Şahzadə Diana və oğlu Dodinin ölümünə səbəb olan avtomobil qəzasının Britaniya kəşfiyyat xidməti tərəfindən təşkil edildiyini iddia edib.

Əl Fayedin sərvəti 2022-ci ilin noyabrında 1,9 milyard dollar olub.

1929-cu il yanvarın 20-də İsgəndəriyyədə anadan olan Əl Fayed karyerasına Misirdə başlayıb və daha sonra Səudiyyə Ərəbistanı milyonçusu Adnan Kaşıkçının bacısı Semira Kashoggi ilə ailə qurub.

Əl Fayedin oğlu Dodi 1981-ci ildə “Od Maşınları” filminin prodüseri olub və film 4 Oskar mükafatı qazanıb.