Pakistanda helikopter qəzaya uğradı - Bütün ekipaj həlak olub

Pakistan Hərbi Dəniz Qüvvələrinə məxsus helikopter ölkənin cənub-qərbində təlim uçuşu zamanı qəzaya uğrayıb, helikopterin ekipajına daxil olan hər üç hərbçi həlak olub.

Teleqraf.com xəbər verir ki, bu barədə Pakistan Hərbi Dəniz Qüvvələri məlumat yayıb.

Məlumata görə, "Sea King" helikopterinin Bəlucistan əyalətinin cənub-qərbində yerləşən sahil şəhəri Qvadarda qəzaya uğramasına texniki nasazlıq səbəb olub.

Əlavə təfərrüatlar açıqlanmayıb, hadisə ilə bağlı istintaq başladılıb.