Ərdoğan açıqladı: “Putinin iki özəl tələbi var”

“Taxıl sazişinin bərpası ilə bağlı Rusiyanın şərtləri var”.

Teleqraf.com xəbər verir ki, bunu Türkiyə Prezidenti Rəcəb Tayyib Ərdoğan deyib.

“Rusiyanın iki özəl tələbi var. Bunlardan biri Rusiya Kənd Təsərrüfatı Bankının SWIFT sisteminə qoşmaqdır. Hazırda Rusiya bankları sanksiyalara görə SWIFT-dən kənarda qalıb. Bu ölkə ildə 120-130 milyon ton taxıl ixrac edir. Cənab Putin də mətbuat konfransında dedi ki, 62 ildir satırlar. Satışın davam etməsi üçün iki şey baş verməlidir. Birincisi, satış nəticəsində əldə olunan pulu almalıdırlar, ikincisi, daşıma üçün istifadə olunan gəmilər sığortalanmalıdır. Sanksiyalara görə Britaniyada yerləşən sığorta şirkəti gəmiləri sığortalamır. Rusiya banklarının SWIFT sistemindən çıxarılması ilə əlaqədar pul köçürmələri yoxdur və ruslar hər ikisinin həyata keçməsini şərt qoyurlar”, - Türkiyə lideri bildirib.

Prezident Ərdoğan rusiyalı həmkarı Vladimir Putinlə dünən Soçidə görüşüb.