Bölgə “İsgəndər” və İran PUA-ları ilə hədəfə alındı – Hədəflər məhv edildi

Rusiya ordusu gecə və səhər saatlarında Ukraynaya raket və PUA-larla zərbə endirib.

Teleqraf.com xəbər verir ki, bu barədə Ukrayna Hərbi Hava Qüvvələri məlumat verib.

Ukrayna səmasında qarşı tərəfin ümumilikdə 33 hava hədəfi qeydə alınıb.

Rusiyanın Engels rayonundan TU-95MS strateji təyyarələrindən 7 ədəd X-101, X-555 və X-55 raketləri, eləcə də 1 ədəd “İsgəndər-M” ballistik raketi atılıb. Cənub-şərq və cənub istiqamətlərindən isə “Şahid” tipli dronlarla (İran istehsalı) hücum edilib.

Ukrayna hərbi aviasiyasının vasitələri 23 hava hədəfini - bütün raketləri və 25 PUA-dan 15-ni sıradan çıxarıb.