İrəvanın qərarı Moskvada etiraz yaratdı - Lavrovun müavinindən mesaj

Rusiya Ermənistandakı müttəfiqlərinin diqqətini ona yönəldib ki, onların ABŞ-la keçirəcəyi hərbi təlimlər Moskvada narahatlıqla qarşılanır.

Teleqraf.com xəbər verir ki, bunu Rusiya xarici işlər nazirinin müavini Sergey Ryabkov deyib.

“Moskva hesab edir ki, KTMT ölkələri ilə hərbi təlimlərin keçirilməsi praktikasına riayət etməlidir. Ermənistan KTMT-nin müttəfiqidir, biz bunu rəhbər tutmuşuq, müttəfiqlik ruhundan çıxış edərək, həmin ittifaqa daxil olanlarla hərbi təlimlər keçirmək praktikasına əməl etməliyik.

Biz buna diqqət edirik. Ermənistandakı müttəfiqlərimizin də diqqətini bunun bizim tərəfimizdən narahatlıqla qəbul edildiyinə yönəltmişik”, - Rusiya rəsmisi bildirib.