Britaniya Parlamentinin Müdafiə Komitəsinin rəhbəri istefa verdi

Böyük Britaniya parlamentinin Müdafiə komitəsinin sədri Tobias Ellvud Londonun Əfqanıstandakı radikal “Taliban” hərəkatı ilə əlaqə yaratması ilə bağlı qalmaqala görə istefa verib.

Teleqraf.com xəbər verir ki, bu barədə hakim Mühafizəkarlar Partiyasından olan deputat “X”də yayılan bəyanatında bildirib.

“Çox təəssüf hissi ilə Müdafiə Komitəsinin sədri vəzifəsindən istefa verdim. Bu yay Əfqanıstanla daha çox əlaqə yaratmağa çağırdığım zaman zəif ünsiyyət başa düşülən şəkildə tənqid olunub və bu, komitədə zəif əks olunub”-deyə, o bildirib.

“Sky News”un məlumatına görə, müdafiə komitəsinin 11 üzvündən 4-ü Ellvuda etimad səsverməsinin keçirilməsini dəstəkləyib və səsvermə proseduru sentyabrın 14-nə təyin edilib.