Kerri Cenevrədə iranlı həmkarı ilə görüşəcək

ABŞ dövlət katibi Con Kerri İranın nüvə proqramı barədə danışıqlar prosesini bərpa etmək üçün iranlı həmkarı Məhəmməd Cavad Zarif ilə Cenevrədə görüşəcək.

Teleqraf.com BBC-ə istinadən xəbər verir ki, liderlər arasında görüşün məqsədi cümə axşamı başlayacaq danışıqları qiymətləndirməkdir.

Kerrinin sözlərinə görə, dünya ölkələri İranın sanksiyaların qaldırılması üçün nüvə proqramını cilovlamasını istəyir.

Qeyd edək ki, 2013-cü ilin noyabr ayında müvəqqəti razılıq əldə edilsə də, bu yaxınlarda daha əhatəli razılaşma üçün son müddət iki dəfə buraxılıb.

Hazırda məqsəd martın 1-dək yüksək səviyyəli siyasi razılıq əldə etmək və iyulun 1-dək razılığın tam texniki detallarını açıqlamaqdır.

Samir