“Charlie Hebdo” “eBay”da 649 avroya satılır

Fransanın “Charlie Hebdo” satirik jurnalının terror aktından sonra ilk buraxılışının tirajı beş milyon nüsxəyə qədər artırılacaq.

Publika.az-ın “İnterfaks” xəbər agentliyinə istinadən verdiyi məlumata görə, bu barədə “Messageries Lyonnaises de Presse” (MLP) yayım şirkətindən bildirilib.

Jurnalın terror aktından sonrakı ilk nömrəsinin tirajı üç milyon nüsxə olub. Ancaq fransızlar jurnalı almaq üçün köşklərin qarşısında növbədə dayanıblar və ilk dəqiqələrdə jurnalın bütün nüsxələri satılıb.

“The Böyük Britaniyanın “Guardian” qəzeti qeyd edir ki, jurnalı “eBay”dan almaq olar. Ancaq bu halda 649 avro ödəmək lazımdır. Halbuki mağazalarda jurnalın qiyməti 3 avrodur.