Ukrayna cənuba doğru irəliləyir – Vəziyyət gərginləşdi

Ukrayna tankları, zirehli texnikaları Zaporojye vilayətində əks-hücumunu davam etdirir.

Teleqraf.com xəbər verir ki, bu barədə ABŞ-ın Müharibə Araşdırmaları İnstitutu (ISW) məlumat yayıb.

Ukrayna ordusu rusların üç səviyyəli müdafiənin tərkib hissəsi olan tank əleyhinə səngərlərindən və “əjdaha dişləri” adlanan arxından cənuba doğru irəlilədiyini göstərir. Ukrayna Silahlı Qüvvələri Orexovdan 18 km cənub-şərqdə yerləşən Verbnoyenin qərbində məhdud döyüşə girib. Bu əks-hücumda irəliləyişin mühüm əlamətidir.