Birləşmiş Ştatlar hökuməti işini dayandırır? - Bayden acı nəticələrdən danışdı

"Birləşmiş Ştatlar hökumətinin fəaliyyətinin dayandırılması bütün amerikalılara təsir edəcək".

Teleqraf.com xarici KİV-ə istinadən xəbər verir ki, bunu ABŞ prezidenti Co Bayden deyib.

Mümkün bağlanma üçün Bayden hökumətin maliyyələşdirmə proqramının qəbulu üçün öz şərtlərini qoyan ABŞ Konqresindəki bir qrup Respublikaçını günahlandırdı.

“Hökumətin bağlanması ərzaq təhlükəsizliyindən tutmuş xərçəng tədqiqatlarına, uşaqların təhsil proqramlarına qədər hər şeyə təsir edəcək. Hökumətin maliyyələşdirilməsini təsdiqləmək Konqresin əsas vəzifələrindən biridir. Respublikaçıların Amerikada seçdikləri işi görmələrinin vaxtı çatıb”, - deyə Bayden bildirib.

Qeyd edək ki, Bayden və Nümayəndələr Palatasının spikeri Kevin Makkarti arasındakı razılaşmaya əsasən növbəti on il ərzində büdcə kəsirini 1 trilyon dollar azaldacaq hökumət xərcləri səviyyələri barədə razılığa gəliblər.