“Regiondakı kənar qüvvələrə qarşı ittifaq...” – İrandan 8 ölkəyə təklif

İran İslam İnqilabı Keşikçiləri Korpusunun dəniz qüvvələrinin komandanı Bəsrə körfəzinin səkkiz sahil dövlətinə regional təhlükəsizliyi təmin etmək üçün dəniz ittifaqı yaratmağı təklif edib.

Teleqraf.com xəbər verir ki, kontr-admiral Əli Rza Tanqsiri bölgə ölkələrinin bu ittifaq çərçivəsində qarşılıqlı əməkdaşlıq yolu ilə regional təhlükəsizliyi təmin edə biləcəklərini deyib.

Onun sözlərinə görə, dəniz ittifaqı region xalqlarının dinc yaşamasına kömək edəcək. Tanqsiri iddia edir ki, kənar qüvvələr regionda “qeyri-qanuni mövcudluğuna” haqq qazandırmaq üçün "iranofobiya"nı qızışdırırlar.