Prezident ölkənin milli qəhrəmanı oldu - Qərar

Prezident Sərdar Berdiməhəmmədov Türkmənistan Respublikasının Qəhrəmanı adına layiq görülüb və ona “Altın Ay” döş nişanı təqdim edilib.

Teleqraf.com xəbər verir ki, ölkə parlamentinion qərarı ilə bu nüfuzlu adı o, Türkmənistanın müstəqilliyinin 32-ci ildönümü ilə əlaqədar alıb.

1981-ci il təvəllüdlü Sərdar Berdiməhəmmədov yüksək ada layiq görülən ən gənc ölkə vətəndaşıdır.

Ölkənin birinci prezidenti Saparmurad Niyazov Türkmənistan Qəhrəmanı titullarının sayına görə lider sayılır, o, altı dəfə bu ada layiq görülmüşdü.

Hazırkı dövlət başçısının atası, Respublika Xalq Məsləhətinin (Xalq Şurasının) sədri Qurbanqulu Berdiməhəmmədov iki dəfə Türkmənistan Qəhrəmanı adı alıb.

Türkmənistan Qəhrəmanı adı 1992-ci ildə təsis edilib.