Məhbusların avtobusu aşdı: 10 ölü, 5 yaralı

Amerika Birləşmiş Ştatlarında böyük insan tələfati ilə nəticələnən ağır yol qəzası baş verib. Ölkənin Texas ştatında yaşanan faciəli qəzada zərərçəkənlər bir cəza müəssisəsindən digərinə aparılan dustaqlar olublar.

Teleqraf.com-un Associated Press agentliyinə istinadən verdiyi məlumata görə, ştatın qərb bölgəsində məhbusları daşıyan avtobus dəmiryol xəttinin üstünə düşüb.

Qəza nəticəsində 10 nəfərin öldüyü, 5 nəfərin isə xəsarət aldığı bildirilir.