14 Yanvar 2015 23:04
441

Yanvarın 15-də Türkiyənin baş naziri Əhməd Davudoğlu Belçikaya səfər edəcək.

Teleqraf.com-unTürkiyə Nazirlər Kabinetinin saytına istinadən məlumatına görə, Ə. Davudoğlu Brüsseldə Avropa Birliyi (AB) Şurasının prezidenti Donald Tusk, Avropa Komissiyasının rəhbəri Jan Klod Yunker, AB Xarici Əlaqələr və Təhlükəsizlik məsələləri üzrə rəhbərinin müavini Federika Mogherini ilə görüşəcək. Görüşlərdə AB –Türkiyə münasibətləri və bölgədəki son hadisələrlə bağlı müzakirələr aparılacaq.

Ə.Davudoğlu “Avropanın dostları” (“Friends of Europe”) təşkilatının təşkil etdiyi toplantıda da çıxış edəcək, Belçikada yaşayan türk icmasının nümayəndələri ilə görüşlər keçirəcək.


Müəllif: