Ukraynada son durum: 38 hücum dəf edildi, iki istiqamətdə isə...

Rusiya qüvvələri cəbhənin bir neçə istiqamətində Ukrayna ordusunun mövqelərinə hücum edib.

Teleqraf.com xəbər verir ki, bu barədə Ukrayna Silahlı Qüvvələrinin Baş Qərargahı məlumat yayıb.

Ötən gün ərzində cəbhədə tərəflər arasında 38 toqquşma baş verib.

Kupyan istiqamətində sakitlik olsa da, Rusiya qoşunlarının Liman istiqamətində (Makiyivka) hücumları dəf edilib.

“Düşmən Baxmut istiqamətində Andriyevka ərazisində itirilmiş mövqelərini bərpa etməyə uğursuz cəhd göstərib. Rusların Avdiv istiqamətində də buna bənzər səyləri baş tutmayıb. Bundan başqa müdafiəçilərimiz Keramik, Stepovoy və Pervomaysk rayonlarında düşmənin hücumlarını uğurla dəf edib”, - məlumatda deyilir.

Rusiya ordusunun Marin, Novomixaylivka və Şaxtyor istiqamətlərindəki hücumları cəhdləri də nəticəsiz bitib.

Rusiya Zaporoje vilayətinin Novodarivka və Verbovoy rayonlarında itirilmiş mövqelərini bərpa etməyə cəhd etsə də, buna nail ola bilməyib.

Ukraynanın müdafiə qüvvələri Melitopol və Baxmut istiqamətlərində hücum əməliyyatlarını davam etdirir.