“Ermənistan özünü alçaltdı” – Rusiya rəsmisi

Beynəlxalq Cinayətlər Məhkəməsinin Roma Statutunun Ermənistan üçün ratifikasiyası hüquqi suverenliyin itirilməsindən başqa bir şey demək deyil.

Teleqraf.com xəbər verir ki, bunu Rusiya Federasiya Şurası sədrinin müavini Konstantin Kosaçev Ermənistan parlamentinin sözügedən statutu təsdiqləməsini şərh edərkən deyib.

"Roma Statutunun hər hansı dövlət üçün ratifikasiyası hüquqi suverenliyin itirilməsindən başqa bir şey demək deyil ki, bu da özlüyündə alçaldıcıdır. Məhz bu səbəbdən həqiqi suveren dövlətlər, o cümlədən Rusiya, ABŞ, Hindistan, Çin, Türkiyə, Səudiyyə Ərəbistanı, İsrail, İran və başqaları Beynəlxalq Cinayətlər Məhkəməsinə qoşulmur", - Rusiya rəsmisi bildirib.

Kosaçev bunun Azərbaycanla bağlı olmadığını, Ermənistanıniddialarının yalan olduğunu söyləyib.

"Gələcəkdə bugünkü ratifikasiya qərarı Ermənistan hakimiyyətinin öz əleyhinə çıxa bilər", - Kosaçev əlavə edib.